17 саастаах уол муннун тоһуппут

Ис дьыала министиэристибэтин Чурапчытааҕы салаатын  дьуһуурунай чааһыгар мунна  тостуулаах  17 саастаах  уол балыыһаҕа кэлбитин туһунан иһитиннэрии киирбит. 

Бэрэбиэркэ кэмигэр   учаскуобайдар туһааннаах быһылааҥҥа кыттыгастаах,  Дьокуускай куораттан төрүттээх, 18 саастаах уорбаланааччыны  быһаарбыттар.

Быһаарыллыбытынан, эдэр дьон  суолга көрсөн  айдаарсыбыттар. Онуоха 17 саастаах уол  утарылаһааччытыгар сиэрэ  суоҕу  (непристойный жест) көрдөрбүт. Эдэр дьон өрүс биэрэгэр иккистээн көрсүһүүлэригэр, буруйданааччы сокуоннай  сааһын ситэ илик уол сирэйин  сутуругунан  охсубут. Эмсэҕэлээччи ол кэннэ балыыһаҕа  көрдөрбүт.

РФ Холуобунай кодексатын  112-с ыстатыйатын 1-кы чааһынан холуобунай дьыала көбүтүлүннэ.