200 туоннаттан тахса гуманитарнай таһаҕас байыаннай дьайыы сиригэр-уотугар ыытыллыбыт

2026 сыл саҕаланыаҕыттан Саха сирэ байыаннай дьайыы зонатыгар 205 туоннаттан тахса гуманитарнай таһаҕаһы ыыппыт.

Бу туһунан «Вместе к Победе» хамыыһыйа өрөспүүбүлүкэтээҕи ыстаабын сүрүннүүр киинин салайааччыта Георгий Куркутов иһитиннэрдэ.

Кини сыл саҕаланыытыгар 99 тиэхиньикэ ыытыллыбытын, ол иһигэр аҕыс матасыыкыл уонна үс квадроцикл баарын этэр.

—Сыл саҕаланыаҕыттан байыаннай дьайыы сиригэр-уотугар барыта 205 туоннаттан тахса гуманитарнай таһаҕас ыытылынна. Бу аадырыстаах баһыылкалар, ас-үөл, подразделениелар уонна байыаннай сулууспалаахтар сайаапкаларынан тэриллибит тэхиньиичэскэй сириэстибэлэр, — диэн этэр кини.

Сиһилии: https://www.sakha.gov.ru/news/57450

СӨ Ил Дарханын уонна Бырабыыталыстыбатын пресс-сулууспата