2026 сылтан орто анал үөрэх кэнниттэн үрдүккэ туттарсыыга саҥа быраабыла киирдэ

Арассыыйаҕа быйылгыттан орто анал үөрэх кэнниттэн үрдүккэ туттарсыы быраабылатыгар уларыйыы киирбитэ. Мантан ыла университет бэйэтин тургутуутун эрдэ ылбыт исписээлинэстэрэ туттарсар үөрэхтэригэр сөп түбэһэр эрэ буоллаҕына туттарыахтарын сөп. Урукку курдук биир кэлим эксээмэнэ суох дьупулуомнарынан үрдүк үөрэх бэйэтэ ыытар эксээмэннэрин туттараллар.

Онтон орто үөрэхтэрин идэтэ туттарсар үрдүк үөрэхтэригэр сөп түбэспэт түгэнигэр, биир кэлим эксээмэн (ЕГЭ) түмүгүнэн эрэ киирэр кыахтаахтар. Манна даҕатан эттэххэ, быйыл 2022-2026 сылларга туттарбыт биир кэлим эксээмэн түмүгүнэн үөрэххэ киириэххэ сөп.

М.К.Аммосов аатынан Хотугулуу-Илиҥҥи федеральнай университекка киириэн баҕалаахтар орто үөрэхтэрэ туттарсар үрдүк үөрэхтэригэр сөп түбэһэрин дуу, түбэспэтин дуу университет саайтыгар киирэн классификаторга туруоран бэрэбиэркэлиир кыахтаахтар.