26,2 тыһыынча ыалга баһаары сэрэтэр тэрил турда

«Баһаары сэрэт — АДПИ-ны туруор» социальнай аахсыйа — бу Саха сирин олохтоохторугар баһаартан куттал суох буолууну үрдэтиигэ туһуламмыт өрөспүүбүлүкэтээҕи аахсыйа.

Сыала-соруга — олохтоохтору бэйэлэрин, аймахтарын дьиэлэригэр  уонна социальнай өттүнэн көмүскэлэ суох дьон дьиэлэригэр анал тэрили туруоралларыгар көҕүлээһин. Холобур, көмө быһыытынан аймахтарыгар, эбэтэр, кыаммат дьоҥҥо туруоруохтарын сөп. АДПИ сыаната ыарахан буолбатах эрээри, баһаар буолар түгэнигэр улаханнык тыаһаан, дьон олоҕун быыһыыр.

Аахсыйа Саха сирин Гражданскай оборуона дьыалаларыгар уонна нэһилиэнньэ олоҕор-дьаһаҕар куттал суох буолуутун хааччыйыыга министиэристибэтин бирикээһинэн, 2026 сыл олунньу 5 күнүттэн ахсынньы 31 күнүгэр диэри ыытыллар. Быйыл бу аахсыйа Арассыыйа норуоттарын сомоҕолоһуутун сылыгар уонна Саха Өрөспүүбүлүкэтигэр Култуура сылыгар ананар.

Сиһилии: https://www.sakha.gov.ru/news/67705