Үп-харчы гороскоба. Бу нэдиэлэҕэ үп-харчы өттүгэр сулустар тугу сүбэлииллэрий?

Нэдиэлэ саҕаланыытыгар Юпитер Араак бэлиэтигэр сылдьара үп-харчы өттүнэн сүрэҕинэн сэрэйиини күүһүрдэр уонна дьиэ кэргэн биисинэһигэр табыллыыны аҕалар. Бэс ыйын 10 күнүттэн кэпсэтиилэргэ, дуогабар түһэрсиитигэр уонна атыы-эргиэн эпэрээссийэлэригэр табыгастаах. Нэдиэлэ устата сулуустар дохуот бигэ туруктаах буолуутун уонна табыллыылаах атыыны мэктиэлииллэр. Ол да буоллар, нэдиэлэ ортотугар Сатурн уонна Марс утарыта турсуулара сэрэхтээх буоларга ыҥырар — кутталлаах инвестицияны оҥорумаҥ уонна кирэдьиит ылымаҥ.

Хой

Үп-харчы өттүнэн көхтөөх уонна араас түбүктээх нэдиэлэ күүтэр. Бэнидиэнньиккэ уонна оптуорунньукка эбии дохуот киириэн сөп — бириэмийэ, хос үлэ эбэтэр эргэ иэс төннүөн сөп. Нэдиэлэ ортото сэрэхтээх буолууну ирдиир: толкуйдамматах атыыттан туттунуҥ уонна харчыны иэс биэримэҥ. Өрөбүллэргэ үөрүүлээх сонун күүтэр — күүтүллүбэтэх сиртэн үп киириэн сөп. Киирбит үптэн 10%-ын уурунан иһиҥ.

Оҕус

Ый эһиги бэлиэҕитигэр сылдьара бу нэдиэлэни үп-харчы өттүнэн саамай табыллыылаах кэмнэртэн биирдэстэринэн оҥорор. Улахан атыыны оҥорорго бэртээхэй кэм — массыына, миэбэл, дьиэ-уот. Бэс ыйын 10 күнүттэн дохуоту улаатыннарар саҥа кыахтар үөскүөхтэрэ. Хамнас үрдүүрүн эбэтэр саҥа дуоһунас туһунан кэпсэтиилэр ситиһиилээхтик ааһыахтара. Өрөбүллэргэ үпкүтүн эрэллээхтик үлүннэрэ угар туһунан толкуйдуоххутун сөп. Эргиэн уонна тыа хаһаайыстыбатын эйгэтигэр үлэлиир дьоҥҥо табыллыы тосхойор.

Игирэлэр

Бэс ыйын 10 күнүттэн Меркурий эһиги бэлиэҕитигэр киирэн, үп-харчы дьыалаларыгар табыгастаах кэми арыйар. Дуогабар түһэрсэргэ, бэйэ дьыалатын аһарга, саҥа үлэни көрдөнөргө тоҕоостоох кэм. Бииргэ үлэлиир туһунан интэриэһинэй этиилэр киириэхтэрин сөп. Сэрэдэҕэ-чэппиэргэ докумуоннары кытта болҕомтолоох буолуҥ — барытын икки төгүл бэрэбиэркэлээҥ. Нэдиэлэ бүтүүтэ үп-харчы өттүнэн ситиһии күүтэр, ордук сибээс, суруналыыстыка уонна эргиэн эйгэтигэр үлэлиир дьоҥҥо.

Араак

Юпитер эһиги бэлиэҕитигэр сылдьара үп-харчы кыахтарын үөскэтэр. Дьиэ кэргэн биисинэһигэр уонна дьиэ-уот эйгэтигэр үп угарга бэртээхэй нэдиэлэ. Нэдиэлэ саҕаланыытыгар дьиэҕэ-уокка улахан атыыны оҥоруоххутун сөп. Нэдиэлэ ортото — сэрэхтээх буолар кэм, үпкүтүн саарбах бырайыактарга угумаҥ. Өрөбүллэргэ аймахтаргыттан үтүө үп-харчы сонуна эбэтэр иэс төннүөн сөп. Сүрэххит сэрэйэрин итэҕэйиҥ — ол сөптөөх быһаарыыны ыйыаҕа.

Хахай

Үп-харчы өттүнэн орто, ол гынан баран, үчүгэй кэскиллээх нэдиэлэ. Нэдиэлэ саҕаланыытыгар иэс боппуруостарын быһаарсарга, докумуонунан үлэлииргэ табыгастаах. Бэс ыйын 10 күнүттэн айар эбэтэр саҥа бырайыак үлэтин нөҥүө эбии дохуот киллэринэр кыахтар үөскүөхтэрэ. Таҥаска-сапка харчыгытын ыһымаҥ — талааҥҥытын сайыннарарга угарыҥ ордук. Өрөбүллэргэ үөрүүлээх бириэмийэ эбэтэр бэлэх күүтэр.

Кыыс

Бигэ туруктаах үп-харчылаах нэдиэлэтэ, дохуот сыыйа үрдүүр кыахтаах. Эһиги былаанныыр, ааҕар-суоттуур дьоҕургут мунньуллубут үпкүтүн элбэтэргэ көмөлөһүө. Нолуок декларацияларын, страховкалары, баан боппуруостарын оҥотторорго табыгастаах кэм. Сэрэдэҕэ-чэппиэргэ доруобуйаҕа соһуччу ороскуот тахсыан сөп — эрдэттэн үбү-харчыны уурунуҥ. Өрөбүллэргэ — чэпчэтиилээх  атыы-кутуу күүтэр. Ороскуоккутун ааҕа сылдьыҥ.

Ыйааһын

Ый Оҕус бэлиэтигэр — эһиги үп-харчы дьиэҕитигэр — сылдьара бигэ туругу, үтүө атыыны аҕалар. Кэрэ маллары — таҥаһы, киэргэли, оҥоһуктары  атыылаһарга үтүө нэдиэлэ. Бииргэ үлэлиир бырайыактар нөҥүө дохуот үрдүөн сөп. Бэс ыйын 10 күнүттэн үп-харчы туһунан кэпсэтиилэр табыллыахтара. Бэс ыйын 11-12 күннэригэр сэрэхтээх буолуҥ — чугас дьоҥҥутун кытта харчыттан сылтаан мөккүһүмэҥ. Өрөбүллэргэ үп-харчы өттүнэн бигэ турук уонна үөрүүлээх сонун күүтэр.

Скорпион

Үп-харчы өттүнэн тускулаах, түмүктэрдээх нэдиэлэ буолуоҕа. Нэдиэлэ саҕаланыытыгар улахан үп киириэн сөп — бириэмийэ, бырайыак төлөбүрэ эбэтэр уурунуу харчы үллэн, төннүөн сөп. Үп-харчы боппуруостарыгар сүрэххит сэрэйэрэ күүстээх. Бэс ыйын 10 күнүттэн — нэһилиэстибэ, кирэдьиит, страховка боппуруостарын быһаарсарга табыгастаах кэм. Нэдиэлэ ортото улахан ороскуокка сэрэхтээх буолууну ирдиир. Өрөбүллэргэ — үп-харчы эпэрээссийэлэрэ табыллыахтара уонна саҥа дохуот киирэр сирэ арыллыан сөп.

Охчут

Бу нэдиэлэ үп-харчы киирэр кыахтарын кэҥэтэргэ тардар. Айан, үөрэх эбэтэр тас дойду партнердарын кытта сибээстээх барыстаах этиилэр киириэхтэрин сөп. Нэдиэлэ саҕаланыытыгар уһун болдьохтоох кирэдьиит дуогабарын түһэрсэр ордук. Айаҥҥа ороскуоккутун сэрэнэн оҥоруҥ — бүддьүөккүтүн эрдэттэн ааҕыныҥ. Бэс ыйын 10 күнүттэн эбии үлэлиир кыахтар үөскүөхтэрэ. Өрөбүллэргэ — үтүө үп-харчы сонуна күүтэр. Бэйэни сайыннарыыга уонна үөрэххэ харчыта уурунуҥ.

Чубуку

Карьераҕа уонна үп-харчыга үүнэр кыахтаах бигэ туруктаах нэдиэлэ. Дьаныардаах үлэһит буоларгытын, эппиэтинэстээххитин сыаналаныахтара. Нэдиэлэ саҕаланыытыгар хамнас үрдүөн эбэтэр салайааччылартан суолталаах этии киириэн сөп. Нэдиэлэ ортото сэрэхтээх буолууну ирдиир: саҥа эбээһинэстэри ылынымаҥ, саарбах докумуоннарга илии баттаамаҥ. Өрөбүллэргэ үп-харчы өттүнэн бигэ турук күүтэр. Улахан сыалга анаан уһун болдьохтоох мунньуунуу харчы баар буоларын былаанын толкуйдааҥ.

Күрүлгэн

Үп-харчыны быһаарыыга айар-тутар өрүттээх нэдиэлэ. Эһиги ураты санааларгыт соһуччу дохуоту аҕалыахтарын сөп. Онлайн-бырайыактары, фриланс үлэни, IT-эйгэҕэ үлэни саҕалыырга табыгастаах кэм. Бэс ыйын 10 күнүттэн доҕотторгуттан эбэтэр биир санаалаахтаргытыттан интэриэһинэй этиилэр киириэхтэрин сөп. Аралдьыйыыга улахан ороскуоттан, толкуйдамматах атыылартан туттунуҥ. Өрөбүллэргэ — саҥа билсиһии эбэтэр социальнай ситимнэр нөҥүө үөрүүлээх үп сонуна күүтэр.

Балыктар

Үп-харчы дьыалаларыгар сүрэҕинэн сэрэйэр нэдиэлэ. Ис туруккут сөптөөх быһаарыыны ылынарга көмөлөһүө. Нэдиэлэ саҕаланыытыгар айар үлэ, чугас дьон көмөтө эбэтэр сүрэх сэрэйиитинэн угуулар нөҥүө үп киириэн сөп. Бэс ыйын 11-12 күннэригэр үпкүтүн кытта сэрэхтээх буолуҥ — иэс биэримэҥ, саарбах этиилэргэ итэҕэйимэҥ. Өрөбүллэргэ үөрүүлээх үп-харчы сонуна күүтэр. Сөбүлүүр дьарыккытынан дьарыктаныҥ — ол үөрүүнү эрэ буолбакка, дохуоту эмиэ аҕалыа.