Дьокуускай куоракка уулуссаҕа аһаҕастык эр киһини халаабыттар

Өрөспүүбүлүкэҕэ ааспыт суукка иһигэр 4 буруйу оҥоруу тахсыбыта бэлиэтэннэ. Бу түбэлтэлэринэн процессуальнай бэрэбиэркэлэр ыытыллалларын уонна холубунай дьыалалар силиэстийэлэрин борокуратуура хонтуруоллуур.

Дьокуускай куоракка халааһын буолбутун туһунан иһитиннэрии киирбит. Васильев уулуссатын биир дьиэтин тиэргэнигэр эр киһиттэн төлөпүөнүн аһаҕастык былдьаан барбыттар.

Мииринэй улууһун Айхал бөһүөлэгэр суоппар итирик туруктаах иккиһин ыытан иһэн тутулунна.

Нерюнгри куоракка табахтыырга аналлаах, сокуоннайа суох лектроннай тэриллэри атыылааһын түбэлтэлэрэ арылыннылар.

Алдан улууһугар киһи өлүүлээх суол быһылаана таҕыста. Саахал түмүгэр А-360 «Өлүөнэ» федеральнай суол 593-с км  1980 с.т. эр киһи тыына быстыбыт.

Маны таһынан, Госавтоинспекция үлэһиттэрэ ааспыт сууккаҕа өрөспүүбүлүкэ суолларыгар итирик туруктаах уруулга олорбут 7 суоппары тутан эппиэтинэскэ тартылар. Бу туһунан Саха сиринээҕи Борокуратуура пресс-сулууспата иһитиннэрэр.