4000-тан тахса байыаннай дьайыы кыттыылааҕа мэдиссиинискэй көмөнү ылла

Байыаннай дьайыы саҕаланыаҕыттан өрөспүүбүлүкэҕэ 4478 байыаннай дьайыы кыттыылааҕа мэдиссиинискэй көмөнү ылбыт.

Ол туһунан Департамент салайааччытын э.т., Доруобуйа харыстабылын министиэристибэтин кылаабынай терапева Айталина Торонова кэпсээтэ.

«3197 байыаннай сулууспалаах тастан сылдьан эмтэммит, оттон 1281 киһи стационарнай көмөнү ылбыт. Байыаннай дьайыы 430 кыттыылааҕа реабилитацияны ааспыт. 887 кыттыылаахха  уонна 1177 кинилэр дьиэ кэргэттэрин дьонугар медико-психологическай, психотерапевтическай, психиатрическай көмө оҥоһулунна», — диэтэ Айталина Торонова.

Кини этэринэн, диспансеризацияны бүгүҥҥү туругунан 260 байыаннай дьайыы кыттыылааҕа ааспыт. Ону таһынан “Облачнай поликлиникаҕа” бэтэрээннэргэ анаан кэлим мэдиссиинискэй арыаллыыр өҥө үлэлиирин санатта. Өрөспүүбүлүкэтээҕи психоневрологическай диспансер психологтара “КСВО. Психологтыын кэпсэтии” федеральнай чатка киирэн, төгүрүк суукканы быһа араас эрэгийиэннэртэн тыһыынчанан киһиэхэ сүбэ-ама биэрбиттэр.

Айталина Торонова эбэн эппитинэн, Саха сирин эмчиттэрэ ДНӨ Докучаевскай куоратыгар үлэлииллэр, 1500 эпэрээссийэни оҥорбуттар.