4700-тэн тахса анал байыаннай дьайыы кыттыылааҕа мэдиссиинэ көмөтүн туһаммыт

Өрөспүүбүлүкэҕэ анал байыаннай дьайыы 4700-тэн тахса кыттыылааҕа мэдиссиинэ көмөтүн туһаммыт. Ити туһунан брифинг кэмигэр Доруобуйа харыстабылын министиэристибэтин нэһилиэнньэҕэ мэдиссиинэ көмөтүн тэрийэр департамент салайааччыта Дьулустан Чичахов иһитиннэрбит.

Бүгүҥҥү туругунан, эрэгийиэн мэдиссиинэҕэ тэрилтэлэригэр 4730 байыаннай дьайыы кыттыылааҕар көмө оҥоһулунна. Итинтэн 1301 байыаннай сулууспалаах балыыһаҕа сытан эмтэннэ.

Ону таһынан, Саха сиригэр байыастар доруобуйаларын чөлүгэр түһэрии уонна уйулҕа өттүнэн өйөбүлү оҥоруу салҕанар. Доруобуйатын чөлүгэр түһэриини 437 байыаннай дьайыы кыттыылааҕа ааспыт. Мэдиссиинэ-уйулҕа, психотерапевт, психиатрия көмөтө 911 байыаннай сулууспалааҕар итиэннэ 1265 кинилэр дьиэ кэргэттэрин чилиэннэригэр оҥоһуллубут.

“Анал байыаннай дьайыы кыттыылаахтарыгар уонна кинилэр дьиэ кэргэттэригэр «КСВО. Психологы кытта кэпсэтии” уйулҕа өттүнэн өйөбүл дойду араас муннуктарыттан 1562 абонеҥҥа оҥоһулунна” — диэн Дьулустан Чичахов бэлиэтээбит. Бу туһунан Ил Дархан уонна Бырабыыталыстыба пресс-сулууспата суруйар. Салгыы манна ааҕыҥ.