Ааспыт сууккаҕа буруйу оҥоруу 9 түбэлтэтэ бэлиэтэннэ

Өрөспүүбүлүкэҕэ суукка иһигэр 9 буруйу оҥоруу тахсыбыта бэлиэтэннэ. Бу дьыалаларынан холуобунай дьыалалары силиэстийэлээһин уонна процессуальнай бэрэбиэркэлэри ыытыы борокуратуура хонтуруолугар турар.

Үөһээ Дьааҥы оройуонугар  2001 с.т. эр киһи өлүгэ көһүннэ. Ыар буруйу оҥорууга уорбаланар киһи ким буолара билиннэ.

Дьокуускай, Мииринэй,  Нерюнгри куораттар үс олохтооҕо  РФ Киин баанын, ФСБ сымыйа үлэһиттэрин ааттарыттан эрийбит түөкүттэр угаайыларыгар киирэн, уопсайа 3 мөл. солк. уордардылар.

Өлүөхүмэ оройуонугар   «УАЗ-3962» массыынаны күрэттилэр. Чурапчы улууһугар 1979 с.т. эр киһи күлүгээннээн уулуссаҕа саанан ытыалаабыт.

Мииринэйгэ 1967 с.т. эр киһи матасыыкылынан айаннаан иһэн массыынаҕа баран түспүт. Ол түмүгэр улаханнык эчэйэн  госпитализацияламмыт.

Сунтаар оройуонугар суолу  көҥүлэ суох сиринэн туораан испит  2015 с.т. оҕону массыынанан түҥнэри көппүттэр.