Абааһы тайаҕын иһин ыстарааптаныахха сөп

Кулун тутар 1 күнүттэн учаастагы бас билээччилэр абааһы тайаҕын суох гыналлара ирдэнэр. Сокуону кэһии иһин 50 тыһ. солк. диэри ыстарааптаныахха сөп. Бу туһунан Парламент хаһыата суруйар.

Кулун тутар 1 күнүттэн учаастагы бас билээччилэр киһи этигэр-хааныгар өтөн киирэр (инвазивнай) үүнээйилэри, бастатан туран, абааһы тайаҕын (борщевик Сосновского) кытта охсуһаллара ирдэнэр. Саҥа быраабыланан сир бары көрүҥүн бас билээччилэрэ суох оҥоруохтаахтар, тыа хаһаайыстыбатын сирдэригэр эрэ буолбатах. Кутталлаах көрүҥнэр испииһэктэрин эрэгийиэннэр бэйэлэрэ быһаараллар. Маны кэспит биирдиилээн дьон 20-50 тыһ. солк. ыстарааптаныахтарын сөп, дуоһунастаах дьон – 50-100 тыһ. солк. диэри.

Ону тэҥэ, сири булгуччулаахтык туһаныы ирдэбилэ оннунан хаалар. Учаастак бас билээччилэригэр атыылаһыахтарыттан ыла үс сыл бэриллэр. Тугу даҕаны дьаһамматах дьону кадастровай сыанатыттан 1-15 бырыһыаҥҥа диэри, ол гынан баран 20 тыһ.солк. итэҕэһэ суох суумаҕа ыстарааптыахтара. Туһаныллыбатах учаастак диэҥҥэ сылтан ордук кэм устата бөҕү мунньуу эбэтэр болуоссат аҥаарыгар миэтэрэттэн үрдүктээх сыыс отунан үүннэрии киирсэр.

Итини тэҥэ, даача учаастагар дьиикэй кыылы иитэр бобуллар. Бу иһин эмиэ ыстараап көрүллэр. Бу туһунан Парламент хаһыата суруйар. Сиһилии манна ааҕыҥ.