Аҕам саастаахтарга — ОДьКХ өҥөтүгэр субсидия

Дьокуускайга 5,3 тыһыынчаттан тахса кырдьаҕас дьиэ-уот уонна хомунаалынай өҥөлөргө төлөөһүҥҥэ субсидияны оҥотторбут.

Дьокуускайга 2026 сыл балаҕан ыйын 1 күнүнээҕи туругунан, дьиэ-уот уонна хомунаалынай өҥөлөргө (ОДьКХ) төлөөһүҥҥэ аадырыстаах субсидияны 5 343 кырдьаҕас оҥорторбут. Дьон-сэргэ ОДьКХ-га төлөөһүҥҥэ көмө оҥоруу дойду бэрэсидьиэнэ Владимир Путин көҕүлээһининэн саҕаламмыт «Дьиэ кэргэн» национальнай бырайыак соруктарыгар уонна «Биир ньыгыл Арассыыйа» баартыйа норуот бырагырааматыгар сөп түбэһэр.
2025 сылга бу көмө миэрэтинэн 6 101 кырдьаҕас туһаммыт. Субсидия дьиэ кэргэн дохуотун учуоттаан, хомунаалынай өҥөлөргө ороскуоттарын аччатарга көмөлөһөр.

«Кырдьаҕас киһиэхэ хомунаалынай өҥөҕө төлөөһүҥҥэ көмө биллэр. Мин субсидия туһунан билбэт этим. Консультацияҕа бардым, усулуобуйалары уонна наадалаах докумуоннары чуолкайдастым. Атын кырдьаҕастарга эмиэ маннык сүбэҕэ-амаҕа сылдьалларыгар сүбэлиибин», — диэн Михаил бэлиэтээтэ.

Сиһилии: https://www.sakha.gov.ru/news/63131