Айсен Николаев «Энергопром» норуоттар икки ардыларынааҕы пуорум аһыллыытыгар кытынна

Казань куоракка «Казань Экспо» быыстапкалыыр кииҥҥэ «Энергопром» норуоттар икки ардыларынааҕы  электроэнергетическай пуорум ыытылла турар.

Пуорум үөрүүлээх аһыллыытын сиэригэр-туомугар РФ энергетикатын миниистирэ   Сергей Цивилев,   федеральнай уонна эрэгийиэннээҕи былаас уорганнарын бэрэстэбиитэллэрэ, энерго-хампаанньалар салайааччылара, Арассыыйа уонна тас дойду эспиэрдэрэ кытыннылар.

Пуорумҥа РФ Судаарыстыбаннай сэбиэтин «Энергетика» салаатыгар хамыыһыйатын бэрэссэдээтэлэ, СӨ Ил Дархана Айсен Николаев кыттар.

«Бүгүн бу пуорум биһиги дойдубутугар да, норуоттар икки ардыларынааҕы бииргэ үлэлээһиҥҥэ да,  энергетиканы сайыннарыы боппуруостарын дьүүллэһэр сүрүн былаһааккаларыттан биирдэстэринэн буолар«,- диэн Ил Дархан МАХ ханаалыгар суруйда.

«Энергопром»  сүрүн тиэмэлэринэн — энергетическай инфраструктураны саҥардыы, көдьүүһү үрдэтии,  цифровой технологиялары киллэрии уо.д.а. буолаллар.

Пуорум иитинэн ыытыллар быыстапкаҕа 117 хампаанньа кыттар. Ол иһигэр тас дойдуттан  — 13, Арассыыйаттан  — 69 уонна Татарстантан  — 35.

Сиһилии: https://www.sakha.gov.ru/news/42768