Айсен Николаев Саха сиригэр национальнай бырайыактары олоххо киллэриигэ сүбэ мунньах ыытта

Саха сирин Ил Дархана Айсен Николаев өрөспүүбүлүкэҕэ национальнай бырайыактары олоххо киллэрии туһунан мунньах ыытта. Мунньаҕы арыйарыгар туруоруммут сыаллары толорууга, үбү көдьүүстээхтик туһаныыга түмсүүлээх үлэ ирдэнэрин бэлиэтээтэ.

“Бүгүн национальнай бырайыактары олоххо киллэрии муҥутуур эппиэтинэһи уонна түмсүүлээх үлэни ирдиир. Туруоруллубут көрдөрүүлэри ситиһиилэри хааччыйан, тутаах хайысхалары болҕомтоҕо тутуохха”, — диэтэ Айсен Николаев.

Кини 2026 сылга национальнай бырайыактары олоххо киллэриигэ өрөспүүбүлүкэ бүддьүөтүгэр 36,24 млрд солкуобай, ол иһигэр 26,25 млрд федеральнай үп-харчы көрүллүбүтүн иһитиннэрдэ. Бүгүҥҥү туругунан, 12,57 млрд солк. туһаныллыбыт.

Мунньахха социальнай эбийиэктэри тутууга улахан болҕомто уурулунна. Айсен Николаев Адаптивнай үөрэтэр киин  — 150 миэстэлээх интэринээт уонна 200 миэстэлээх уһуйаан  иккис түһүмэҕэ үрдүк бэлэмнээҕин бэлиэтээтэ. Балаҕан ыйыгар аһыллыахтаах. Ону тэҥэ 4 №-дээх Анал (коррекционнай) уопсай үөрэхтээһин оскуолатын тутууну дьүүллэстилэр.

Дьокуускайга “Ыччат уонна оҕолор” национальнай бырайыагынан саҥа үөрэх тэрилтэлэрин тутуу салҕанар. 17 №-дээх орто оскуола эбии дьиэтин бэлэмэ 6%, Чайковскай уулууссаҕа оскуола – 12 быр. Ону тэҥэ Физико-тэхиньиичэскэй лиссиэй эбии дьиэтин тутуу саҕаланна. Айсен Николаев эбийиэктэри тутууну хонтуруолга ыларга сорудахтаата.

Мунньаҕы түмүктүүрүгэр Айсен Николаев сыл бастакы аҥаарын түмүктэринэн национальнай бырайыактары олоххо киллэриини, тутуу тэтимин эбии ырытыахтара диэн бэлиэтээтэ.

Санаттахха, 2026-2028 сылларга Саха сиригэр национальнай бырайыактары үлэҕэ киллэриигэ 148,36 млрд солк. ыытыахтара, итинтэн 116,13 млрд үп федеральнай бүддьүөт киэнэ.

Сиһилии: https://www.sakha.gov.ru/news/50555