Алдаҥҥа дьиэ кэргэн киэһээҥи аһылыга алдьаммыт тэлэбиисэринэн уонна холуобунай дьыаланан түмүктэммит

Алдаҥҥа дьиэ кэргэн киэһээҥи аһылыга күтүөт уонна ийэ кыннын икки ардыларыгар иирсээнигэр кубулуйбут – ол түмүгэр тэлэбиисэр алдьаммыт.

Полиция отделыгар олохтоох дьахтар төлөппүөннээбит. Полиция үлэһиттэрэ быһаарбыттарынан, бырааһынньык кэмигэр аймахтар икки ардыларыгар иирсээн тахсыбыт: ийэ кынна күтүөтүн сөбүлээбэтин биллэрбит, ол кэнниттэн иирсээн мал-сал алдьаныытыгар тириэрпит. Тылынан үөхсэ сатаан баран, 32 саастаах эр киһи тэлэбиисэри охсубут – тиэхиньикэ муостаҕа түспүт уонна улаханнык алдьаммыт.

Баайы-дуолу соруйан алдьатыы чахчытынан РФ Холуобунай  кодексын 167 ыстатыйатын 1 чааһынан күтүөккэ холуобунай дьыала тэриллибит. Күтүөт киһи буруйун билиммит уонна кэмсинэрин эппит диэн иһитиннэрэр  ИДьМ-н Алдан оройуонунааҕы отделын пресс-сулууспата.