Александр Басыров Мииринэй улууһун баһылыгынан хос талылынна

Александр Басыров алтынньы 30 күнүгэр Улуус сэбиэтин дьокутааттарын сиэссийэтигэр биир санаанан Мииринэй улууһун баһылыгынан саҥа болдьоххо хос талылынна. Саха сирин баһылыга Айсен Николаев кинини MAX ханаалыгар эҕэрдэлээтэ.

«Александр Валинуровиһы дьон итэҕэлин ылбытынан эҕэрдэлиибин! Кини билиитэ-көрүүтэ уонна уопута улууска баар кыһалҕаны, муниципалитет иннигэр турар соруктары утумнаахтык быһаарарыгар эрэнэбин», — диэтэ Айсен Николаев.

Өрөспүүбүлүкэ баһылыга Мииринэй улууһа – Саха сирин экэниэмикэтин тирэҕинэн буоларын бэлиэтээтэ.

Айсен Николаев эппитинэн, муниципалитет экэниэмикэтин кыаҕын бөҕөргөтүөххэ, инвестициялары тардыахха уонна инфраструктураны сайыннарыахха наада.

Сиһилии: https://www.sakha.gov.ru/news/68461