Аммаҕа кэргэнин кырбаан өлөрбүт эр киһи 8 сылга хаайылынна

Амма улууһугар бииргэ олорор дьахтарын кырбаан өлөрбүт 43 саастаах олохтоох эр киһиэхэ суут бириигэбэрэ таҕыста. Кини 8 сыл устата кытаанах эрэсиимнээх холуонньаҕа хаайыллыаҕа.

Холуобунай дьыала матырыйаалларынан, ыар быһылаан от ыйын 2 күнүн түүнүгэр тахсыбыт. Эр киһи итирик туруктаах сылдьан, гражданскай кэргэнин кытта этиспит. Ол этиһии кэмигэр  дьахтары элбэхтэ охсубут, кырбаабыт. Ылбыт эчэйиилэриттэн дьахтар тыына быстыбыт.

Суут эр киһини буруйдааҕынан билиннэ уонна 8 сылга көҥүлүн быһарга,  кытаанах эрэсиимнээх холуонньаҕа ыытарга быһаарда.