Амма улууһугар хочуолунайдарга таас чоҕу таһыы салҕанар

Олох-дьаһах хомунаалынай хаһаайыстыбатын уонна энергетикатын министиэристибэтин иһитиннэриитинэн, алтынньы 28 күнүттэн Амма улууһугар Харбалаах чоҕун хостуур сириттэн таас чоҕу таһыы саҕаланна. Чох сылы эргиччи үлэлиир суолунан тиэйиллэр.

Билиҥҥи туругунан, чоҕу таһыыга түөрт самосвал үлэлиир. Тиэхиньикэ бэлэм буоларын быһыытынан, массыына ахсаанын өссө элбэтэр былааннаахтар.

Чоҕу атыылыыр уонна таһар тэрилтэлэр үлэлэрэ харгыстамматын туһуттан, «Саха сиринээҕи ОДьКХ» МУП нэдиэлэ аайы харчыны ыыта олорор.

Бу үлэ барыта оттук матырыйаалын саппааһын хааччыйарга, олорор дьиэлэри уонна социальнай тэрилтэлэри кыһыннары ититиинэн эрэллээхтик хааччыйарга туһаайыллар.

Саха Өрөспүүбүлүкэтин Ил Дарханын уонна Бырабыыталыстыбатын пресс-сулууспата.