«Улахан этнографическай дьыктаан» Дьокуускай – Москва хайысханан көтөр сөмөлүөккэ суруйуохтара

Сэтинньи 3-12 күннэригэр дойду үрдүнэн «Улахан этнографическай дьыктаан» XI норуоттар икки ардыларынааҕы аахсыйа ыытыллыаҕа. Саха сирин олохтоохторо дьыктааны 322 былаһааккаҕа суруйуохтарын сөп.

Иккис сылын субуруччу дьыктааны сөмөлүөккэ, Дьокуускай – Москва рейсигэр, сэтинньи 4 күнүгэр суруйуохха сөп.

Санатар буоллахха, 2025 сыллаахха «Якутия» авиахампаанньа өйөбүлүнэн аан бастаан сөмөлүөккэ дьыктаан суруйар былаһаакка тэриллибитэ.

Ааспыт сылга, 135 омук бэрэстэбиитэлэ олорор Саха сиригэр, аахсыйаны 22 тыһыынчаттан тахса киһи өйөөбүтэ.

«Улахан этнографическай дьыктаан» норуоттар икки ардыларынааҕы сырдатар аахсыйа Арассыыйа дьоно бииргэ буолууларын бөҕөргөтөргө, дойду норуоттарын култууратын, үгэстэрин уонна устуоруйаларын туһунан билиини тарҕатарга, ону тэҥэ нэһилиэнньэ этнографическай билиитин таһымын үрдэтэргэ туһуланар.

Аахсыйа түмүгэ 2026 сыл ахсынньы 12 күнүгэр, Арассыыйа Федерациятын Конституциятын күнүгэр, тахсыаҕа.

Сиһилии: https://www.sakha.gov.ru/news/68334