Бааза туттаары маһы кэрдибит, сэлии муоһун көрдөөн маһы суулларбыт

Абый улууһун борокуруора Эбээн-Бытантай улууһун Кустуур сэлиэнньэтин олохтооҕор тэриллибит холуобунай дьыаланы суукка ыытта диэн СӨ Борокуратуурата иһитиннэрэр.

2026 сыл от ыйыгар, бу киһи Белай Гора бөһүөлэгиттэн 20 км тэйиччи тыаҕа сылдьан, бааза оҥостоору тиит маһы сокуоннайа суох кэрдибит. Онтон сэлии муоһун көрдүү сылдьан мотопомпанан буору суурайан, 57 маһы суулларбыт.

Буруйданааччыттан мотуордаах оҥочолор, мотопомпалар, баһаарынай рукавтар уонна мас эрбиитэ былдьаммыт. Оҥоһуллубут хоромньуну толору толуйбут.