Аллараа Бэстээххэ диэри тимир суолунан пассажирдары таһыы аһыллыбыта сэттэ сыла буолла

Сэттэ сыллааҕыта, 2019 сыл от ыйын 27 күнүгэр, Аллараа Бэстээх ыстаансыйатыгар аан бастаан пассажирскай буойаһы көрсүбүттэрэ – бу Амур-Саха сирин тимир ыллыгын тутуу түмүктэмитин туоһулаабыта, диэн” Саха сирин тимир суоллара” хампаанньа иһитиннэрдэ.

439 км усталаах “Томмот – Күөрдэм – Аллараа Бэстээх” түмүктүүр учаастага үлэҕэ киирбитэ. Тыраассаҕа 65 муостаны оҥорбуттара.

Буойаһы үөрүүлээхтик көрсүүгэ тыһыынчанан Саха сирин олохтооҕо кыттыбыта, бочуоттаах пассажирдар ортолоругар БАМ уонна АЯМ бэтэрээннэрэ бааллара. Онно өрөспүүбүлүкэ баһылыга Айсен Николаев пассажирдары таһыы аһыллыыта Өлүөнэни туоруур муостаны тутууга көҕүлүүрүн эппитэ.

”Беркакит-Томмот-Дьокуускай” тимир суол лииньийэтинэн пассажирдары уонна таһаҕаһы таһыыта саҕаланан, Саха Өрөспүүбүлүкэтэ Арассыыйа Федерациятын тимир суол ситимигэр холбоспута. Байкал-Амур магистралыттан уонна Транссибтан ирбэт тоҥунан тимир суол тэлэллибитэ. Миэхэ бу бырайыак улахан суолталаах. Биһиги хамаандабыт маны олохо киллэрсибитэ уонна тутууну түмүктүүргэ федеральнай үбүлээһин туһунан быһаарыыны ылынары ситиспитэ. Бүгүн Уһук Илин уонна Арктика тырааныспарын инфраструктуратын салгыы сайыннарыы наадалаах”, — диэбитэ РФ Судаарыстыбаннай Дууматын Саха Өрөспүүбүлүкэтиттэн дьокутаата Галина Данчикова.

Амур-Саха сирин ыллыга Саха сирин киин оройуоннарын уонна Дьокуускайы Арассыыйа тимир суол ситимин кытта холбообута. Аллараа Бэстээххэ диэри пассажирдары тиэйиини арыйыы эрэгийиэн садйдыытыгар саҥа кыахтары арыйбыта.

sakha.gov.ru

Сиһилии: https://www.sakha.gov.ru/news/57722