АЛРОСА Саха сирин уонна «алмаастаах түөлбэни» кытта бииргэ үлэлээһиҥҥэ дуогабар түһэристэ

Бүгүн, муус устар 28 күнүгэр, Ил Дархан Айсен Николаев уонна  АЛРОСА АХ  генеральнай  дириэктэрэ   Павел  Маринычевы  2026-2030 сс. Саха сирин социальнай-экономическай сайдыытыгар туһуламмыт   дуогабарга илии баттастылар.

-Урукку сөбүлэһиилэргэ олоҕуран, АЛРОСА өйөбүлүнэн  21 оройуоҥҥа  50-ча эбийиэк, ол иһигэр оскуолалар, балыыһалар,  спорт уонна  култуура тэрилтэлэрэ,  оҕону реабилитациялыыр кииннэр, олорор дьиэлэр уо.д.а. тутуулар үлэҕэ киллэриллибиттэрэ.

Саҥа сөбүлэһии чугастааҕы биэс сылга бииргэ үлэлэһиини бигэргэтэр. Ураты болҕомто   «алмаастаах түөлбэҕэ» — Анаабыр, Үөһээ Бүлүү, Бүлүү, Мииринэй, Ньурба, Сунтаар, Өлөөн  улуустарыгар ууруллар. АЛРОСАҕа урукку эбэһээтэлистибэлэрин толорууларын уонна салгыы Саха сирин кытары бииргэ үлэлииргэ бэлэмнэрин иһин махтанабын, — диэн Ил Дархан МАХ ханаалыгар суруйда.