Алтынньы 21 күнэ: норуот билгэтэ

Сыл ахсын алтынньы 21 күнүгэр православнай итэҕэллээхтэр аатырбыт преподобнай Пелагия Антиохийскаяны, ону тэҥэ христианствоны тарҕаппыт преподобнай Трифон Вятскайы ахтан ааһаллар. Норуот халандаарыгар бу күн Трифон уонна Пелагея күнүнэн биллэр.

Бу күн тугу оҥорор бобулааҕый?

• этиһэр уонна куһаҕаннык саҥарар— куһаҕан тыл киһиэхэ араас алдьархайы аҕалыан сөп;
• хобу-сиби тарҕатар, аймахтары сэмэлиир — дьиэ кэргэҥҥэ этиһиинэн уонна ыарыынан эргиллиэн сөп;
• маһы кэрдэр — сүһүөх ыарыытыгар тиэрдэр;
•  хайдыбыт, кирдээх таҥаһы кэтэр — уһуннук харчынан кыһалҕаҕа тиэрдэр;
•  сиэркилэҕэ уһуннук көрүнэр — ыарыыга уонна күүһү-уоҕу сүтэриигэ;
•  билбэт дьоҥҥун кытта уһуннук кэпсэтэр — маннык алтыһыы дьиэ кэргэн олоҕор кыһалҕаны аҕалыан сөп;
•  күн киириэн иннинэ түүн түһээбит түүлгүн кэпсиир — үчүгэй түүл туолбат, оттон куһаҕан түүл, төттөрүтүн, олоххо киэриэн сөп;
•  кыргыттарга бастакы көрсүһүүнү аныыр — талбыт уоллара эрэлэ суох киһи буолуон сөп.

Норуот билгэтэ

Трифон уонна Пелагея күнүгэр  айылҕаны,  халлааны, мастар туруктарын уонна кыыллар-сүөһүлэр хайдах тутталларын-хапталларын болҕойон кэтээн көрөллөрө. Ол курдук сылаас күннэр төһө өр туралларын, кыһын төһө тымныы буоларын билгэлииллэрэ.

• былыттар халлааҥҥа түргэнник усталлар — сотору тымныйар уонна күүстээх тымныылар түһэллэр;
• сарсыарда кырыа суох — кыһын соччо тымныыта суох (сымнаҕас) буолар;
• түүнүн сулустар чаҕылхайдык тыгаллар — ыраас, үчүгэй күн-дьыл буолар;
•  ый уйаланар — кэлэр сайын кураан буолуон сөп;
•  хатыҥ сэбирдэхтэрэ өссө да бааллар — кыстык хаар хойутаан түһэр, күһүн уһуур;
•  кутуйахтар хорооннорун соҕуруу өттүттэн оҥостоллор — кыһын олус тымныы буолар;
•  тоҥсоҕой мас төрдүттэн саҕалаан үөһээ тоҥсуйан тахсар — элбэх хаардаах уонна уһун кыһыҥҥа.