Алтынньы 3 күнэ: тугу гынабыт, туох бобуулааҕый, билгэлэр

Норуот халандаарынан алтынньы 3 күнэ —   Астафий Ветряк (Астафьев день) күнэ. Бу күнү былыргыттан  тыалы кытта сибээстииллэр уонна кэлэр кыһын хайдах буоларын тыал хайысхатынан билгэлииллэр.

Хотуттан  тыал үрдэҕинэ — сотору кэминэн күүстээх тымныы, тоҥоруу түһүөҕэ.

Соҕурууттан тыалырдаҕына — күһүн өссө да уһуннук  сылаас туруоҕа.

Арҕааттан тыалырдаҕына — сотору кэминэн ардахтаах, инчэҕэй хаар түһүөҕэ.

Илинтэн тыалырдаҕына —  кураан уонна күннээх буолуоҕа.

Бу күн тугу гыныахха сөбүй?

Бу күн дьиэ иһинээҕи таҥаһы-сабы, суорҕаны-тэллэҕи таһырдьа таһааран салгылатар ордук. Оччотугар тыал дьаҥы, араас кыһалҕаны кыйдыыр диэн эбит.

Бу күн туох эмэ бэлэхтиир  эбэтэр бэлэх  ылар табыллыбат. Бэлэх биэрбит биитэр туппут  киһигин  кытта сыһыаныҥ буорту буолуон сөп.