Амма устун айан туһунан сюжет Okko онлайн-киинэ тыйаатырыгар көрдөрүллэр буолла

Алтынньы 20 күнүттэн Okko онлайн-киинэ тыйаатырыгар «Дальний Восток – Земля приключений» диэн Уһук Илин уонна Арктика устун айаны көрдөрөр Бүтүн Арассыыйатааҕы куонкурус III-с сезонун кыайыылаахтарын киинэлэрэ көрдөрүллэр. Көрдөрүллэр киинэлэр ортолоругар – Марченко дьиэ кэргэн Амма өрүһүнэн оҥочонон устубуттарын туһунан сюжет баар.

тыйаатырыгар «Дальний Восток – Земля приключений» диэн Бүтүн Арассыыйатааҕы куонкурус көҕүлээччитинэн Арассыыйа Бырабыыталыстыбатын бэрэссэдээтэлин солбуйааччы – Бэрэсидьиэн Уһук Илин федеральнай уокуругун боломуочуйалаах бэрэстэбиитэлэ Юрий Трутнев буолар.

«Маннык видеону кэпсээннэр көрөөччүлэри Уһук Илиммитин уонна Арктикабытын бэйэлэринэн кэлэн көрөллөрүгэр көҕүлүөхтэрэ, оттон кыттааччылар киинэлэрин видеоплатформаларга таһаарыы киэҥ эйгэҕэ ону тириэрдэргэ көмөлөһүөҕэ», – диэн Юрий Трутнев эппитэ.

Саха сирин туһунан сюжекка сынньалаҥҥа олорор дьон – Сергей уонна Елена Марченко оҥочонон 401 килэмиэтири 14 күн устата устубуттар. Айан саҕаланыыта федеральнай «Лена» суолга баар Амма үрдүгэр турар Үөһээ Амма бөһүөлэгин аттынааҕы муостаттан саҕаламмыт, онтон Амма улууһун Өнньөс бөһүөлэгэр тиийэн түмүктэммит. Экраннарга – хотугу айылҕа тыйыс уонна абылыыр кэрэтэ: таас кытыллар, ыраас уу, былыргы уруһуйдар,  сыһыылар уонна балыктааһын. Куонкурус түмүгүнэн, бу киинэ «Уунан айан» номинацияҕа иккис миэстэни ылбыт.

Куонкурус кыттыылаахтарын видеоларын Okko онлайн-киинэ тыйаатырыгар көрдөөн эбэтэр «Сериаллар» диэн салааҕа, «Документальнай киинэ» диэн жанры талан булуохха сөп. Манна эмиэ куонкурус I уонна II-с сезоннарын кыайыылаахтарын уонна призердарын урукку киинэлэрин булуохха сөп.

«Дальний Восток – Земля приключений»  сериал III-с сезонун Okko онлайн-киинэ тыйаатырыгар көрүҥ (https://okko.tv/serial/dalnijj-vostok-zemlja-prikljuchenijj).

Сиһилии: https://www.sakha.gov.ru/news/67331