Анал байыаннай дьайыы бэтэрээннэрэ саҥа идэлэниэхтэрин сөп

М.Н. Донской аатынан өрөспүүбүлүкэтээҕи техникум-интэринээт анал байыаннай дьайыы кыттыылаахтарын, доруобуйаларынан хааччахтаах дьону босхо үөрэххэ ылыыта саҕаланна.

Бу туһунан техникум-интэринээккэ үөрэх-производство үлэтин солбуйааччы дириэктэр Андрей Левин брифиҥҥэ иһитиннэрдэ. Салайааччы техникумҥа байыаннай сулууспалаахтарга, ол иһигэр анал байыаннай дьайыы зонатыгар доруобуйаларынан хааччахтаммыт дьоҥҥо идэни баһылыырга уонна квалификацияны үрдэтиигэ куурустар тэриллибиттэрин иһитиннэрдэ.

Квалификацияны үрдэтии куурустара (36 чаас):

— саайтары оҥоруу;

— атыыны-эргинини салайыы;

— бухгалтерия;

— бириэмэни сөпкө туһаныы;

— дизайн төрүттэрэ;

— үпкэ билиилээх буолуу;

— илии хамсаныытынан нууччалыы кэпсэтии тыла.

Идэни баһылааһын (144 чаас):

— социальнай үлэһит;

— аһы-үөлү түргэнник оҥорорго үөрэтии;

— иистэнньэҥ;

— асчыт;

— биэкэр;

— электроннай-суоттуур массыына оператора;

— күөх дуол (үүнээйини үүннэрии) үлэһитэ;

— куукуна оробуочайа.

Анал байыаннай дьайыы кыттыылааҕын быһыытынан киирэргэ маннык докумуоннар ирдэнэллэр: пааспар, үөрэх докумуона, СНИЛС, Анал байыаннай дьайыы кыттыылааҕын дастабырыанньата, МСЭ ыспыраапката, чөлүгэр түһэрии уонна абилитация индивидуальнай бырагыраамата (ИПРА).

Ыйытыылаах буоллаххытына, М.Н. Донской аатынан инбэлииттэри профессиональнай уонна медико-социальнай реабилитациялыыр өрөспүүбүлүкэтээҕи техникум-интэринээт салалтатын кытта билсиҥ. Сибээскэ тахсар төлөпүөн: 8-914-236-89-11.

Сиһилии https://www.sakha.gov.ru/news/48303 сигэнэн билсиҥ.