Арассыыйа Дьоруойа Николай Евдокимов

Бүгүн, олунньу 20 күнүгэр, «Патриот» ыччат киинигэр «СВОи герои: кто сегодня защищает страну» тэрээһиҥҥэ Дьокуускай куорат араас оскуолатын оҕолоро Арассыыйа дьоруойа Николай Евдокимовтыын көрүстүлэр.

Кэпсэтии аһаҕастык барда. Ол курдук, оҕолор дьоруойга элбэх ыйытыыны биэрдилэр. 5-с уонна 40-с №-дээх оскуола оҕолоро кэпсэтиигэ  ордук көхтөөхтүк кытыннылар. Сүрүннээн байыаннай дьайыы кэнниттэн хайдах быһыылаахтык эйэлээх олоххо төннүбүтүн, дьиэ кэргэнин, оҕо сааһын сурастылар. Николай Евдокимов оҕолорго судургутук, хайдах баарынан кэпсээтэ. 40-с №-дээх оскуола оҕолоро бэйэлэрэ оҥорбут хаһыаттарын бэлэхтээтилэр.