Арассыыйаҕа социальнай архитектура магистратуратын бырагыраамаларыгар докумуоннары тутуу саҕаланна

Быйыл социальнай архитектура магистратуратын бырагыраамаларыгар дойду биэс үрдүк үөрэх кыһатыгар докумуоннары тутуу саҕаланна: М.В. Ломоносов аатынан Москватааҕы судаарыстыбаннай университекка, Санкт-Петербурдааҕы судаарыстыбаннай университекка, Бэрэсидьиэн академиятыгар, Арассыыйа Федерациятын Бырабыытылыстыбатын иһинэн Үп университетыгар уонна Гуманитарнай билимнэр судаарыстыбаннай академическай университеттарыгар.

М.В. Ломоносов аатынан Москватааҕы судаарыстыбаннай университекка социальнай архитектура бырагыраамата политология факультетыгар туспа бэлэмнэнии хайысхатын быһыытынан тэриллибитэ. Бу кэм иһигэр аан дойдуга бастакынан социальнай архитектураҕа үөрэх кинигэтэ бэлэмнэннэ уонна политологияны, социологияны, экэниэмиккэни, стратегическай коммуникациялары, менеджмени, нация куттала суох буолуутун боппуруостарын, ону тэҥэ саҥа хайысхалары (ол иһигэр биоархитектураны) холбуур үөрэх былаана оҥоһулунна. Саҥа үөрэх дьылыгар бырагыраама чэрчитинэн 30 социальнай архитектор-магистраннары ылар былааннанар.

Бэрэсидьиэн академията (РАНХиГС) биирдэ түөрт социальнай архитектура бырагырааматын арыйар: «Аһаҕастык салайыы социальнай архитектурата (Арассыыйа ресурсата)», «Ис бэлиитикэ уонна социальнай архитектура», «Бэлиитикэни салайыы уонна социальнай архитектура», ону тэҥэ «Креативнай индустрияларга социальнай архитектура уонна продюсердааһын». Күнүскү уонна кэтэхтэн үөрэниини холбоон, уопсайа 245 миэстэ көрүлүннэ.

Гуманитарнай билимнэр судаарыстыбаннай академическай университеттарыгар (ГАУГН) бу бырагыраама хас биирдии магистраҥҥа тус үөрэх суолун уонна биллиилээх учуонайдар, практиктар өттүлэриттэн уһуйууну көрөр. Манна бастакы 15 магистрант киирэр кыахтаах.

Санкт-Петербурдааҕы судаарыстыбаннай университекка быйыл бастакытын социальнай архитектураҕа магистерскай бырагыраама арыллар. Бу «Судаарыстыбаннай уонна муниципальнай салайыы» хайысха чэрчитинэн олоххо киирэр, оттон бастакы наборга 15 миэстэ көрүлүннэ.

Социальнай архитектура кэскиллээх идэҕэ кубулуйан эрэр, уопсастыба бырасыастара уустугуран, уһун болдьохтоох быһаарыыларга наадыйыы улаатан истэҕин аайы суолтата үрдээн иһиэҕэ. Магистерскай бырагыраамалар саҥа  эйгэҕэ киирии аанынан буолуохтара, устудьуоннарга наадалаах сатабыллары ылалларыгар, ону тэҥэ судаарыстыбаннай салайыы, уопсастыбаннай бырайыактар, аналитика уонна стратегическай коммуникациялар эйгэлэригэр карьераларын суолун туталларыгар кыаҕы биэриэхтэрэ.