Арктикаҕа  саахалтан быыһыыр кииннэр тиһиктэрин тэрийиэхтэрэ

«Биир ньыгыл Арассыыйа» баартыйа норуот бырагырааматыгар аан бастаан туспа Арктика салаата киирдэ. Бу Арктика зонатын сайыннарыыны туспа сүрүн сорук быһыытынан бигэргэтэр. Сүрүн пууннартан биирдэстэрэ – Арктика пуортарын саҥардыы уонна Хотугу муора суолун кытылын устун бүтүннүүтүнэн саахалтан быыһыыр кииннэр тиһиктэрин тэрийии. Тиксии киинэ – бу онно саамай сөптөөх сир.

Диксон, Хатанга уонна Тиксии кииннэригэр икки сыл иһинэн аһыллыахтара диэн Федеральнай мэдиссиинэ-биологическай агентство (ФМБА) салайааччыта Вероника Скворцова бэйэтинэн Бэрэсидьиэн Владимир Путиҥҥа дакылааттаабыта.

Манна суһал мэдиссиинэ подразделениелара, пациеннары изоляциялыыр уонна эвакуациялыыр кыахтаах салаалар тустарынан этиллэр. Саха сирин баһылыга Айсен Николаев үлэни түргэтэтэргэ тыл эппитэ: бырайыактыыр докумуон 2025 сыл балаҕан ыйыгар түмүктэммитэ. 2026 сыл кулун тутарыгар ЫБММ миниистирин солбуйааччыта Роман Курынин үбүлээһин судаарыстыбаннай «Тутуу» бырагырааматынан көрүллүбүтүн, онтон үлэлэр 2026-2031 сылларга барыархтарын бигэргэппитэ.