Арктиканы каадырынан хааччыйыы боппуруоһун ырыттылар

Дьокуускайга 7-с Хотугу сир кэскиллээх сайдыытыгар туһуламмыт пуорум чэрчитинэн эригийиэннэр икки ардыларынааҕы 8-с научнай-практическай кэмпириэнсийэ   Арктиканы каадырдарынан хааччыйыыга туһуланна.

Каадырынан хааччыллыы боппуруоһа бүгүҥҥү күҥҥэ Арассыыйа үгүс эрэгийиэннэригэр сытыытык турар буоллаҕына, Саха сиригэр Арктика улуустарыгар үлэ миэстэтэ тиийбэтэ, үгүс тустаах исписэлиис сааһырыыта, төрөөһүн аҕыйааһына уо.д.а. боппуруостары быһаарыы соруга биир бастакынан турар.  Олох хаачыстыбатын таһыма: куттал суох буолуута, хамнас, үөрэхтээһин уонна медицинскэй көмө хаачыстыбата эмиэ каадырдары олохсутууга уустуктары үөскэтэр. Бу туһунан бүгүн  «Арктическай вектор: Арктикаҕа каадырдары олохсутуу» кэмпириэнсийэтигэр кэпсэттилэр.

Суолталаах тэрээһиҥҥэ ыраах Дьааҥыттан улустааҕы дьокутааттар сэбиэттэрин бэрэссэдээтэлэ Екатерина Ноговицына кыттыыны ылла.

Екатерина Васильевна ыраах хотугу улууска каадырдар тиийбэт кыһалҕаларын туһунан санаатын үллэһиннэ.

Каадырдары олохсутууга үлэ туһунан пуорум кыттыылааҕын санаата маннык буолла:

Маны таһынан, пуорум чэрчитинэн ыччакка анаан үлэ дьаарбаҥкатыгар үрдүк үөрэх кыһаларын  устудьуоннара ыраах Арктика улууһугар — Хотугу сир усулуобуйатыгар үлэлиир хампаанньалар уонна судаарыстыбаннай тэрилтэлэр бэрэстэбиитэллэрин кытта быһаччы кэпсэтэр кыахтаннылар. Тэрээһин кэмигэр ыччаттар  үлэ ырыынагын, үлэ биэрээччилэр ирдэбиллэрин кытта билистилэр, олорор услуобуйалары үөрэттилэр,  социальнай мэктиэлэри уонна эдэр исписэлиистэри өйөөһүн бырагыраамаларын туһунан сэҥээрбит боппуруостарыгар хоруйу ыллылар.