Тутуу территориятыттан үнүстүрүмүөннэри уоран холуобунай дьыалаҕа эрилиннэ

Дьокуускай куорат полициятын үлэһиттэрэ тутуу үнүстүрүмүөннэрин уоруу дьыалатын арыйдылар. Буруйу оҥорбут уорбаланааччынан 27 саастаах олохтоох уол буолара быһаарыллыбыт.

Силиэстийэ быһаарбытынан, эр киһи түүн дьиэтигэр төннөн иһэн, тутулла турар эбийиэк таһынан ааспыт. Онно турар тутуу террториятыгар мал-сал уурар богуону бэлиэтии көрөн, тимир турбаны булан ылбыт уонна  ыйанан турар күлүүһү алдьатан иһигэр киирбит.

Богуонтан кини лазернай нивелири уонна перфораторы уоран тахсыбыт. Ол кэннэ уорбут малын ломбардка туттарбыт. Арассыыйа Холуобунай кодексатын 158-с ыстатыйатын 2-с чааһыгар («Уоруу») олоҕуран холуобунай дьыала тэрилиннэ. Уорбаланааччы буруйа дакаастаннаҕына, биэс сылга диэри көҥүлэ быһыллыан сөп диэн, ИДьМ «Дьокуускайдааҕы» управлениетын пресс-сулууспата иһитиннэрэр.