Байыаннай дьайыы бэтэрээнэ бэйэ дьыалатын арыйда

Байыаннай дьайыы бэтэрээнэ Владислав Сивцев тирии аксессуардарын оҥорон таһаарар  мастарыскыайы арыйда.

Байыаннай дьайыыттан эргиллэн баран, кини уруккуттан ыра санаа оҥостубут дьыалатын  олоххо киллэрэргэ быһаарыммыт.

«Сүрүнэ — саҥаны  саҕалыыртан куттаныа суохха  наада. Бэйэ дьыалатыгар дууһаны ууран, саҥаны үөрэтэн уонна ситиһиллибитинэн тохтоон хаалбакка, иннин диэки барыахха наада. Оттон судаарыстыба өйөбүлэ уонна «СВОе дело» курдук бырагыраамаларга кыттыы бастакы хардыыны оҥорорго дьиҥ чахчы көмөлөөх», — диэн Владислав Сивцев бэлиэтээтэ.

Быйыл саас Владислав «СВОе дело|14» бырагыраама кыайыылааҕынан буолбута уонна бэйэ дьыалатын сайыннарарга 200 тыһыынча солкуобайдаах граны ылла. Бу бырагырааманы кини бойобуой доҕоруттан билбитэ.

Владислав Сивцев Алдаҥҥа төрөөбүтэ. Кини тимир суол үлэһитин идэтин баһылаан, пассажирдары уонна таһаҕаһы таһар пуойастарга  мэхээнньик көмөлөһөөччүтүнэн үлэлээбитэ.

Сиһилии https://www.sakha.gov.ru/news/55220