Байыаннай дьайыы бэтэрээннэрэ Алдаҥҥа үөрэнээччилэри кытта көрүстүлэр

Билии күнүгэр, дойду үрдүнэн бастакы чуорааннар чугдаарар күннэригэр, Алдан оройуонугар ураты, долгутуулаах тэрээһин буолла.

Байыаннай дьайыы бэтэрээннэрин ассоциацията оҕолорго умнуллубат хорсун быһыы, үтүө санаалаах буолуу бырааһынньыгын тэрийдэ.

Бу үтүө аахсыйаны көҕүлээччинэн байыаннай дьайыы бэтэрээнэ Сергей Усольцев буолар. Бу күн кини уонна кини бойобуой доҕотторо оройуон оскуолаларыгар ыалдьыттаатылар. Анатолий Чуб Аллараа Кураанахха икки былаһааккаҕа сырытта: оскуола, гимназия үөрэнээччилэрин Билии күнүнэн эҕэрдэлээтэ. Сергей Усольцев Солнечнай бөһүөлэккэ 9-с оскуолаҕа оҕолору эҕэрдэлээтэ, Андрей Сахаутдинов УИОП (Углубленное изучение отдельных предметов) үөрэнээччилэригэр үчүгэй үөрэҕи, саҥа кыайыылары баҕарда, Сергей Спирин 2-с оскуола үөрэнээччилэригэр көрүстэ, үөрүүнү бэлэхтээтэ, онтон Михаил Солдатов 1-кы оскуолаҕа үөрэх дьылыгар оҕолорго ситиһиини баҕарда.

Оҕолорго маннык көрсүһүүлэр көннөрү эҕэрдэлэр буолбатахтар, бу патриотизм уонна үтүө киһи буоларга сирдиир уратылаах уруоктар. Оҕолор байыаннай дьайыы кыттыылаахтарын кытта кэпсэттилэр. Бойобуой дьайыы бэтэрээннэрэ үөрэнээччилэргэ муударай сүбэлэри биэрдилэр.

«Алданский рабочий» оройуон хаһыатын информациятынан

СӨ Ил Дарханын уонна Бырабыыталыстыбатын пресс-сулууспата

Сиһилии: https://www.sakha.gov.ru/news/61648