Байыаннай дьайыы бэтэрээннэрин реабилитацияҕа ыҥыраллар

Саха сиригэр байыаннай дьайыы бэтэрээннэрин SMP ESPORTS  профессиональнай симулятордары туһанан психологическай реабилитацияҕа ыҥыраллар.

Бу когнитивнай уонна сөптөөхтүк хамсанар буолууну чөлүгэр түһэрэргэ көмөлөһөр бырайыак. Өрөспүүбүлүкэтээҕи психологическай киин (ЯРПЦ) дириэктэрэ Владимир Скрябин бу ыытыллар үлэ-хамнас туһунан быһаарда.

—Когнитивнай  реабилитацияҕа (өйдүүр, толкуйдуур дьоҕуру, болҕомтону чөлүгэр түһэрэргэ кэлим дьарык) ураты болҕомто ууруллар. Болҕомтону улаатыннарарга, реакцияны чөлүгэр түһэрэргэ, быһаарыыны ылынарга анаан кэлим дьарык ыытыллар. Симулятор көмөтүнэн бэтэрээннэр (ПТСР-посттравматическое стрессовое расстройство) тырааныспары ыытыыны кытта сибээстээх психологическай мэһэйдэрин туоруохтарын сөп, — диэн кини бэлиэтээн этэр.

Ааспыт нэдиэлэҕэ өрөспүүбүлүкэҕэ уонна Доннаҕы Ростовка госпиталлар хайысхаларынан психологическай өйөбүлү 270-ча байыаннай дьайыы кыттыылааҕа уонна кинилэр дьиэ кэргэттэрин чилиэннэрэ ылбыттар. Исписэлиистэр 330-тан тахса биирдиилээн уонна бөлөҕүнэн консультациялары, хаттаан дьарыктары киллэрэн туран ыыппыттар.

Реабилитацияҕа наадыйааччылар бу төлөпүөҥҥэ 8 (4112) 31-91-09 (үлэ чааһыгар, итиннэ филиаллар төлөпүөннэрин чопчулаһыахха сөп) эрийиэхтэрин сөп. Суукканы эргиччи үлэлиир төлөпүөн нүөмэрэ: 8-800-100-35-50 эбэтэр 122 (салгыы 6 уонна 2). Псевдонимынан суруйтарыахха сөп.

Байыаннай дьайыы кыттыылаахтарыгар, кинилэр дьиэ кэргэттэрин чилиэннэригэр, уустук балаһыанньалаахтарга, киин өҥөтө босхо.

Бырайыагы олоххо киллэрии СӨ Ил Дарханын Айсен Николаев сорудаҕынан СӨ Бырабыыталыстыбатын Бэрэссэдээтэлин солбуйааччы Ольга Балабкина тус сүрүннээһининэн ыытыллар.

Сиһилии: https://www.sakha.gov.ru/news/60229

СӨ Ил Дарханын уонна СӨ Бырабыыталыстыбатын пресс-сулууспата