Байыаннай дьайыы кыттыылаахтара уонна кинилэр дьиэ кэргэттэрэ «Бэс Чагда» санаторийга эмтэнэллэр

Саха сиригэр анал байыаннай дьайыы кыттыылаахтарыгар уонна кинилэр дьиэ кэргэттэригэр аадырыстаах өйөбүлү оҥоруу, ол иһигэр реабилитациялааһын, салгыы ыытыллар. Бүгүҥҥү туругунан, байыастар уонна кинилэр чугас дьонноро Московскай уобаласка баар «Бэс Чагда» санаторийга социальнай, мэдиссиинискэй реабилитацияны уонна чэбдигирии 5443 өҥөтүнэн туһаннылар. Бу туһунан ыам ыйын 25 күнүгэр СӨ Бырабыыталыстыбатын бэрэссэдээтэлин солбуйааччы Георгий Степанов иһитиннэрдэ.

Кини этэринэн, 250 дьиэ кэргэн олорор дьиэлэрин гаастааһыҥҥа материальнай көмөнү ыллылар. 982 байыас төрөппүттэрэ санаторнай-курортнай эмтэниигэ өйөбүлү ылла. 701 киһи —  байыас эмтэнэр сиригэр тиийэригэр материальнай көмөнү туһаммыт. 44 киһи (кэргэттэр уонна СВО кыттыылаахтара инбэлиит буолан) суоппардары бэлэмниир бырагыраамаларынан үөрэнэллэригэр төлөбүрү толуйууну ылбыт. 788 киһи дьиэлэригэр уонна стационар аҥардаах көрүҥүнэн социальнай өҥөлөрүнэн туһаммыт.

Нэһилиэнньэ дьарыктаах буолуутун киинигэр үлэ көрдөөн 1422 киһи сырытта, онтон 666 — байыастар, 756 — кинилэр дьиэ кэргэттэрэ. Көмө көрдөөбүттэртэн 271 киһи идэни баһылыыр үөрэххэ ыытылынна, 857 киһи үлэнэн хааччылынна.

Бу туһунан Саха Өрөспүүбүлүкэтин Ил Дарханын уонна Бырабыыталыстыбатын пресс-сулууспата иһитиннэрэр.

Сиһилии: https://www.sakha.gov.ru/news/49843