Байыаннай дьайыы кыттыылаахтарыгар мэдиссиинэ көмөтүн оҥоруу салҕанар

Өрөспүүбүлүкэҕэ байыаннай дьайыы 4 840 кыттыылааҕар мэдиссиинэ көмөтө оҥоһуллубут, итинтэн 1318 киһи — стационарга.

Бу туһунан СӨ доруобуйа харыстабылын министиэристибэтин нэһилиэнньэҕэ мэдиссиинэ көмөтүн тэрийэр Департаменын салайааччыта Дьулустан Чичахов иһитиннэрдэ.

—Реабилитацияны байыаннай дьайыы 446 кыттыылааҕа ааста. Медико-психологическай, психотерапевтическай, психиатрическай көмө 942 байыаннай сулууспалаахха оҥоһулунна, ону сэргэ байыастар дьиэ кэргэттэригэр — 1328 киһиэхэ, — диэн этэр Дьулустан Чичахов.

Ил Дархан Айсен Николаев ааспыт сыл ахсынньытыгар Ил Түмэҥҥэ Туһаайан этиитигэр демобилизацияламмыт байыастарга бастакынан мэдиссиинэ көмөтө оҥоһулларын бэлиэтээбитэ: чинчийии, эмтээһин, мэдиссиинэ кэлим реабилитацията тиһиктээхтик оҥоһулларын ыйбыта.

Сиһилии: https://www.sakha.gov.ru/news/55504

СӨ Ил Дарханын уонна Бырабыыталыстыбатын пресс-сулууспата