Байыастарга аҕыс тиэхиньикэ ыытылынна

Аллараа Бэстээхтэн бэс ыйын 26 күнүгэр байыаннай дьайыы зонатыгар өссө биир улахан массыына аҕыс тиэхиньикэлээх, гуманитарнай таһаҕастаах уонна байыастарга аадырыстаах баһыылкалардаах айаннаабыта.

Аара Алдантан уонна Нерюнгриттан гуманитарнай таһаҕас тиэйбиттэрэ. Сиһилии СӨ гражданскай оборуона дьыалаларыгар уонна нэһилиэнньэ олоҕор-дьаһаҕар куттал суох буолуутун хааччыйыыга миниистир Дмитрий Лепчиков иһитиннэрбитинэн, тирэх пууннарга тиэхиньикэлэри уонна саппаас чаастары байыаннай сулууспалаахтарга тиэрдэллэр.

—Сайаапкаларынан «ЯКТ-Сокол» квадроциклларга саппаас чаастар тиэрдиллэллэр. Салгыы былаан быһыытынан «ТИМИР АТ» элекроматасыыкыл саппаас чаастара тиэрдиллиэхтэрэ, — диэн этэр кини.

Дмитрий Лепчиков иһитиннэрбитинэн, 2024 сыл саҕаланыаҕыттан байыаннай дьайыы буола турар сиригэр Саха сириттэн 35 массыынанан рейс оҥоһуллубут, 100 чугаһыыр көлө уонна 170 туоннаттан тахса гуманитарнай көмө тиэрдиллибит.

Сиһилии: https://www.sakha.gov.ru/news/55815