Байыастарга уонна кинилэр чугас дьонноругар психологтар көмөлөрө салҕанар

Саха Өрөспүүбүлүкэтин психологическай киинин (ЯРПЦ) дириэктэрин солбуйааччы Анатолий Кузьмин атырдьах ыйын 14 күнүгэр брифиҥҥэ иһитиннэрбитинэн, ааспыт нэдиэлэ устата психологтар өрөспүүбүлүкэҕэ, ону тэҥэ Ростов-на-Дону куоракка госпиталларга   байыаннай дьайыы кыттыылаахтарын уонна кинилэр дьиэ кэргэттэрин чилиэннэрин, уопсайа  320-ча киһини хабан үлэлээтилэр.

«350-ча кэриҥэ биирдиилээн уонна бөлөҕүнэн психологическай үлэ көрүҥнэрэ ыытылынна, ол иһигэр хос консультациялар ыытылыннылар. Ону тэҥэ Физкультурник Бүтүн Арассыыйатааҕы күнүгэр Киин сүрүн исписэлиистэрин бөлөҕө аппараатынан туһанан антистресс-сеанстары көрдөрөр эрэсииминэн киэҥ араҥаҕа ыытта. Сотору кэминэн  бу сеанстарга  баҕалаахтары  барыларыгар ыытыахпытын сөп. Анал байыаннай дьайыы бэтэрээннэрэ ону босхо ааһыахтарын сөп», — диэн Анатолий Кузьмин бэлиэтээтэ.

Кини бэтэрээннэргэ Саха Өрөспүүбүлүкэтин психологическай киинигэр уонна оройуоннардааҕы салааларыгар госпитальнай үлэлээх психологтартан босхо уонна суһал көмөнү ылыахха сөбүн санатта.

https://www.sakha.gov.ru/news/59532