Балаҕан ыйын 26 күнэ: норуот билгэтэ тугу кэпсиирий?

Православнай халандаарынан балаҕан ыйын 26 күнэ — Корнилов күнэ. Православнайдар Иерусалимҥа храм саҥардыллыбыт күнүн уонна Корнилий Сотник аҕабыыт күнүн бэлиэтииллэр. Норуот итэҕэлигэр бу күн «Корнилье», «Корнилов күнэ» эбэтэр «Күһүҥҥү Пасха» диэн аатынан биллэр.

Урут бэлиэтииллэринэн, Корнилье — күһүҥҥү бүтэһик сылаас күн. Бу күн кэнниттэн айылҕа кыһын диэки эргийэр. Билигин бу күн тугу оҥоруохха сөбүн уонна тугу боболлорун, ону таһынан норуот билгэлэрин билиһиннэрэбит.

Тугу оҥоруохха сөбүй?

• Оҕуруот аһын хомуйан бүтэрэр ордук. Бу күнтэн хойутаатахха, оҕуруот аһа битэмиинэ сүтэр диэн итэҕэйэллэрэ.
• Кэргэнниилэр иккиэн  эриэппэни сиэтэхтэринэ, олохторо уһун уонна дьоллоох буолар дииллэрэ.
• Дьиэ-кэргэнинэн биир остуолга олорон, күһүҥҥү өлгөм үүнүүттэн астаан аһааһын туһалаах.
• Айылҕаны кэтээн көрөллөрө. Бу күн халлаан туругунан күһүн уонна кыһын хайдах буоларын билгэлииллэрэ.
• Таҥара дьиэтигэр сылдьан, үҥэр-сүктэр үчүгэй.

Тугу оҥорор бобулларый?

• Дуогабардары түһэрсэр бобуллар. Бу күн тэриллибит холбоһуулар уустук, моһоллоох буолаллар диэн сэрэтэллэрэ.
• Сиэркилэ эбэтэр бэйэҥ күлүгүҥ көстөр түннүгүн иннигэр аһыыр бобуллар. Маннык гыннахха, куһаҕан тыыннаах иччи киһиэхэ киириэн сөп дииллэрэ.
• Аһара үөрэр-көтөр, элбэхтик күлэр куһаҕан — ити кэнниттэн харах уута кэлиэ диэн итэҕэйэллэрэ.
• Дьиэни хомуйар, сотор, харбыыр эбэтэр пылесостуур сүбэлэммэт. Дьиэттэн ситиһиини «харбаан» таһаарыахха сөп. Бу итэҕэл иһитин сууйарга эмиэ сыһыаннаах — ол эмиэ дьолу сүтэрэргэ тиэрдиэн сөп.
• Мөккүһэр уонна улаханнык саҥарар сэрэхтээх. Бу күн этиһии ордук улахан кутталлаах уонна уһуннук барар дииллэрэ.
• Соҕотох дьон икки сыттыктаах утуйаллара бобуллар — ол аҥардарын булалларыгар мэһэйдиир диэн билгэлээхтэр.
• Сытыы маллары түннүк тэллэҕэр хаалларар сатаммат — дьиэ-кэргэҥҥэ этиһии тахсыан сөп.
• Халлааҥҥа көтөр үөрүн көрөр куһаҕан — бу сотору кэминэн кыһалҕа кэлэрин бэлиэтэ.

Норуот билгэлэрэ

• Сарсыарда туманнаах уонна ардахтаах буоллаҕына — күһүн сылаас буолуо.
• От-мас кырыарар буоллаҕына — күнүс халлаан сылыйар, күн чаҕылыччы тыгар.
• Ардах күнү быһа түстэҕинэ — алтынньы ый инчэҕэй, ардахтаах буолуо.
• Ардах түһүүтэ — эһиилги өлгөм үүнүүнү түстүүр.
• Кууруссалар уонна кустар түүлэрин элбэхтик түһэрдэхтэринэ — кыһын сымнаҕас буолуо.
• Тураахтар бары соҕуруу көппүт буоллахтарына — сотору хаар түһэрэ сабаҕаланар.
• Ый кытархай өҥнөөх буоллаҕына — тыалырар.