«Бэс Чагдаҕа» 600-тэн тахса байыаннай дьайыы кыттыылааҕа эмтэннэ

Байыаннай дьайыы саҕаланыаҕыттан Москва уобалаһыгар баар М.Е.Николаев аатынан Бэс Чагда санаторийа ыараханнык бааһырбыт саллааттары чөлүгэр түһэриигэ идэтийбитэ.  

Бүгүҥҥү күҥҥэ манна 611  байыаннай дьайыы кыттыылааҕа уонна 900-тэн тахса дьиэ кэргэн чилиэннэрэ онно реабилитацияны ааспыттар.  Тэрилтэ үлэтэ от ыйын 15 күнүгэр дойду бэрэсидьиэнэ Владимир Путин Ил Дархан Айсен Николаевтыын көрсүһүүлэригэр бэлиэтэммит.

Санаторий генеральнай дириэктэрэ Георгий Трофимов этэринэн, бүгүн «Бэс Чагдаҕа» толору лицензиялаах реабилитационнай киин тэриллибит. Саҥа оборудованиелар атыылаһыллан үлэлии тураллар, быраастар уонна орто сүһүөх медүлэһит штаата тэриллибит. Когнитивнай уонна моторнай функциялары чөлүгэр түһэрэргэ SMP Esports профессиональнай автосимулятордар туттуллаллар, тренажернай саалалар, сауна, туустаах хайа хаспаҕа уонна сынньанар хостор бааллар.

От ыйын 13 күнүнэҕи туругунан санаторийга 611  байыаннай дьайыы кыттыылааҕа уонна 264 байыаннай сулууспалаах ойоҕо чөлүгэр түспүт. Ону таһынан, 900-тэн тахса байыаннай дьайыы кыттыылаахтарын аймахтара — төрөппүттэрэ уонна атын чугас дьонноро санаторнай-курортнай бырагыраамаларынан хабыллыбыттар.

Сиһилии: https://yakutia-daily.ru/v-bes-chagda-proshli-reabilitacziyu-bolee-600-uchastnikov-svo/?utm_source=front_news_feed сигэнэн аах.