Бэс ыйын 11 күнэ: ардах, хаар уонна -1 кыраадыс

Бүгүн, бэс ыйын 11 күнүгэр, Саха сирин сорох улуустарыгар ардах, хаар түһэрэ, итиэннэ -1 кыраадыс буолара күүтүллэр диэн УГМС иһитиннэрэр.

Киин, соҕуруу, соҕуруулуу-илин улуустарга быстах ардыаҕа, хотугулуу-илин, хоту инчэҕэй хаар түһүөҕэ.

Сөкүүндэҕэ 9-14 миэтэрэ түргэннээх тыаллаах. Арктика кытылынан, хотугулуу-илин сорох сирдэринэн сөкүүндэҕэ 15-20 миэтэрэ түргэннээх тыаллаах.

Салгын температурата күнүс +13+18°, соҕуруулуу-арҕаа, арҕаа +18+23°, хотугулуу-арҕаа, хотугулуу-илин +8+13°, сорох сирдэринэн +2+7°, өрүс кытылыгар -1,+4°.