Бэтэрээн “Киберзащитник” бырагырааманан үөрэннэ

Саха сириттэн сылдьар байыаннай дьайыы кыттыылааҕа Николай Сизых “Киберзащитник” үөрэх бырагырааматынан үөрэннэ.

«Мин бу үөрэхтээһин бырайыагын туһунан бэйэм социальнай сүрүннээччим  Евгения Леонидовнаттан билбитим. Бу хайысханы мин интэриэһиргиир буоламмын, үөрэнэргэ сайаапканы биэрбитим. “Киберзащитник” бырайыак туһалааҕын дакаастаата. Тэрээһин үрдүк таһымнаахтык ааста. Манна ылбыт билиим-көрүүм үлэбэр туһалаах буолуоҕар уонна үүнэргэ-сайдарга саҥа саҕахтар арыллыахтарыгар эрэнэбин”, — диэн Дьокуускай куорат суутун тэрийэр-быраап отделын  начаалынньыгын солбуйааччынан үлэлиир Николай Сизых бэлиэтээн эттэ.

Бу иннинэ байыаннай дьайыы өссө биир  бэтэрээнэ эмиэ бу үөрэххэ үөрэммитэ.

S7 инструктордара өрөбүл күннэргэ бэтэрээннэргэ сиргэ уонна ууга саахал-быыһыыр быраактыкатын тэрийбиттэрэ, баһаарынай уонна авиационнай тренажерга эрчийдилэр. HR-исписэлиистэр резюмены оҥорорго уонна лиэксийэлэри аахтылар. Бырагыраама түмүк түһүмэҕинэн сүрүннүүр ИТ хампаанньаларга экскурсиялар буоллулар.

Үөрэх  түмүгүнэн идэни үрдэппиттэрин туһунан дастабырыанньаны туттулар. Николай Сизых уонна да атын бэтэрээннэр кибер-куттал суох буолуутун салаатыгар Арассыыйа сүрүн хампаанньаларын HR-сулууспаларын бэрэстэбиитэллэрин кытары ирэ-хоро  кэпсэттилэр.

СӨ Ил Дарханын уонна бырабыыталыстыбатын пресс-сулууспата