Бөтүҥ нэһилиэгэр дьокутааттар быыбардара ситиһиилээхтик түмүктэннэ

Амма улууһун Бөтүҥ нэһилиэгэр нэһилиэк Сэбиэтин алтыс ыҥырыылаах дьокутааттарын болдьоҕун иннинэ быыбара түмүктэннэ.

Бөтүҥ нэһилиэгин Сэбиэтин дьокутааттарын быыбарыгар куоластааһын түмүгүнэн, барыта 302 киһи кытынна, ол эбэтэр быыбардыыр бырааптаах дьон испииһэгин 35,36%-на кытынна. Куоластааһын бүтэр кэмигэр испииһэккэ 854 киһи киирбитэ.

Быыбар хаамыытын Саха Өрөспүүбүлүкэтин Уопсастыбаннай балаатата анаабыт көрөөччүлэрэ кэтээн көрдүлэр. Куоластааһын быыбар туһунан сокуон бары ирдэбилигэр олоҕуран, кытаанахтык тутуһуллан ааста. Араас үҥсүү, саарбахтааһын эбэтэр быыбар сокуонун кэһии бэлиэтэммэтэ.

Саха сирин Киин быыбардыыр хамыыһыйата иһитиннэрэринэн, быыбар ситиһиилээхтик ыытылынна.