Биэс улууска ыстаадалары адьырҕалар буулууллар

Саха сирин таба иитэр хаһаайыстыбаларыгар сайыҥҥы эппиэттээх күннэр тураллар. Ол курдук, табаһыттар көрөр табаларын адьырҕа кыыллартан көмүскүүргэ улахан сыраларын уураллар.

СӨ Тыатын хаһаайыстыбатын уонна ас-үөл бэлиитикэтин министиэристибэтин хотугу төрүт салаалары сайыннарыыга отделын чахчытынан, Алдан, Булуҥ, Дьааҥы, Кэбээйи, Нерюнгри, Өймөкөөн улуустарын хайалаах учаастактарыгар бөрөлөр уонна тыатааҕылар кыһалҕаны үөскэтэллэр.

Онон табаһыттар, булчуттар тугуттары харыстаан, адьырҕалары бултууллар. Ол курдук, быйыл бастакы кыбаарталга 125 бөрөнү сууһарбыттар. Оттон былырыын ити кэмҥэ 132 бултаабыттара.