Билии күнүн көрсө: Сибэкки сыаната төһөнүй?

Билии күнүн көрсө төрөппүттэр сибэкки көрдөөһүнүн мучумааныгар түһэллэр. Ким эрэ бэйэтин үүннэрбит сибэккитин бэлэх уунар. Сорохтор сибэкки маҕаһыыныттан атыылаһаллар.

Сибэкки маҕаһыыннарын кэрийэн көрдөххө, сыана араастаһар. Арыый да удамыр сыаналааҕы син көрдөөн булуохха сөп. Олус  сыаналаахтар да ханна барыахтарай.

Ортотунан биир роза сибэкки  сыаната 300 солкуобайтан саҕаланар. Саамай  сыаналааҕа —  550 солкуобай. Подсолнух «муодаҕа» киирэн,  туһааннаах үүнээйи сибэкки маҕаһыыннарыгар хото атыыланар буолбут. Биир устууката  — 550 солкуобай.

Гладиолус — 900 солкуобай, лилия  — 1100 солкуобай. Оттон  сибэкки дьөрбөтө  2000 солкуобайтан саҕаланар.