Богдан Луценко — бастакы кыайыылаах!

«Кыайыы эстэпиэтэтигэр» быйыл ордук хото куорат оскуолаларын оҕолоро кыттыыны ылаллар.

Успуорт миниистирин бастакы солбуйааччы Гаврил Мохначевскай мустубут дьону Улуу Кыайыы 81 сылын уонна «Якутия» хаһыат бирииһигэр «Кыайыы эстэпиэтэтэ» үгэс быһыытынан ыытылларын бэлиэтээн эҕэрдэлээтэ. Кини эҕэрдэ тылыгар ыам ыйын 23 күнүгэр буолар Бүтүн Арассыыйатааҕы сүүрүү, бэс ыйын 4–5 күннэригэр үлэһит кэлэктииптэр V спартакиадалара, бэс ыйын 12 күнүгэр «Биир санаа» сүүрүү туһунан ахтан аһарда уонна үгэһи салгыыр туһугар маннык спортивнай тэрээһиннэргэ элбэх хамаанда кыттарыгар баҕа санаатын тириэртэ. Бу тэрээһиҥҥэ үлэ кэлэктииптэрин кыттыыта мөлтөх эбит.
Быйыл эмиэ этап аайы кыайбыт дьоҥҥо 5 тыһыынча солкуобай бэриллэр. 1-кы этаапка 850 м (бу саамай уһун дистанция) 15 саастаах Дьокуускай куорат лицейин 8 кылааһын үөрэнээччитэ Богдан Луценко кыайыылааҕынан таҕыста. Былырыын бу ыччат 1-кы этаапка эмиэ бастаабыта.