Бу ааһан эрэр нэдиэлэҕэ орто анал үөрэххэ 8 тыһ. тахса сайабылыанньа киирбит

Саха сиринээҕи орто анал үөрэхтэргэ тутар хампаанньа үлэтин бэһис нэдиэлэтэ түмүктэнэн эрэр. Бу нэдиэлэҕэ 8 тыһ. тахса сайабылыанньа киирдэ. Бүгүҥҥү күн туругунан барыта 29 295 сайабылыанньа бэриллибит. Ханнык идэлэри ордук сэҥээрэллэр эбит?

Үгэс быһыытынан, үөрэххэ туттарсааччылар доруобуйа харыстабыла, тырааныспар, үөрэх уонна экэниэмикэ хайысхаларын сэҥээрэллэр.

Санатан эттэххэ, атырдьах ыйын 7 күнүгэр орто үөрэҕи сэҥээрээччилэри барыларын Дьокуускай куорат Доҕордоһуу болуоссатыгар докумуону тутар күҥҥэ ыҥырабыт. Бу, оҕо өрөспүүбүлүкэҕэ баар орто үөрэхтэр туһунан иҥэн-тоҥон билсэригэр уонна хас даҕаны кэллиэскэ докумуонун тэҥинэн биэрэригэр улахан кыах буолар. Бу туһунан Идэҕэ үөрэтэр кыһалары сайыннарар институт МАХ-ханаалыгар суруйаллар.