Суоттулар сэргэх тэрээһиҥҥэ, күрэхтэһиигэ түмүстүлэр

Уус Алдан улууһун Суотту нэһилиэгэр булчуттарга анаммыт бэртээхэй тэрээһин, күрэхтэһии буолан ааста.

Күрэскэ иккилии киһилээх 14 хамаанда кыттыыны ылла. Булчуттар аҥардас бултааһыҥҥа эрэ сатабылга буолбакка, араас тургутуктары аастылар. Ол курдук, иккис төгүлүн ыытыллыбыт аһаҕас күрэскэ маногунан куһу, хааһы ыҥырыы күрэхтэһиитигэр Никонов И.И. бастаата. Находкин Е.В. иккис, Пермяков А.В. үһүс буоллулар. Салгыы булт быраабылатын билиини тургутууга (тестирование) Никонов И.И., Готовцев Л.Г. хамаандалара бастаатылар. Николаев Э.К., Винокуров А.И. иккис, Шепелев Т.Т., Васильев М.В. үһүс бириистээх миэстэҕэ тигистилэр. Бултан тута астаммыт бүлүүдэҕэ күрэскэ Жирков Г.Н., Борисов А.Д. хамаандалара бастаата. Иккис — Киренскэй В.И., Стрекаловский П.П., үһүс Винокуров В.И., Пантилов Г.П. хамаандалара буоллулар.
«Саамай эдэр булчут» анал ааты Дьячковскай В. М. ылла. «Аҕам саастаах булчут» анал аат Борисов А.Д. бэрилиннэ.

Күрэспит иккис чааһа 18:00 ч. саҕалаан сарсыарда 05:00 чааска диэри ыытылынна. Хамаандалар сэрэбиэй бырахсан бултуур күөллэрин быһаардылар. Күөллэринэн тарҕастылар. Ол түмүгүнэн «Бастакы бултаммыт кус» күрэскэ Черкашин С.В., Бубякин П.П. хамаандалара маҥнайгынан көҕөнү суулларан кыайыылаах буоллулар.

Уопсай түмүккэ бастакы миэстэни ыллылар: Тарскай С.В., Дьячковскай В.М.. Иккис миэстэҕэ Габышев Е.А, Алексеев И.И. таҕыстылар. Үһүс бириистээх миэстэни Бубякин П.П., Черкашин С.В. хамаандалара ыллылар. Кыайылаахтар бары анал бириистэринэн наҕараадаланнылар.

Улахан махталбын тиэрдэбин күрэскэ сүрүн бирииһи туруорбут Суотту нэһилиэгин олохтоох дьаһалтатыгар, Баишев Василий Петровичка. Күрэс саҕаланыаҕыттан бүтүөр диэри тэҥҥэ сүүрбүт-көппүт тутаах дьоммор Ноговицын Николай Николаевичка, Габышев Егор Аркадиевичка. Номинацияларга бирииһинэн успуонсардаабыт урбаанньыттарга: Халдеева Варвара Касьяновнаҕа, Сокольников Иван Ивановичка, Бурцев Николай Гаврильевичка, Заровняев Иван Яковлевичка, Аммосов Семен Дмитриевичка, Киренскэй Василий Иннокентьевичка, Местников Василий Васильевичка — «КЫНАТ» хампаанньа салайааччытыгар уонна Патрасова Валентина Васильевнаҕа — Суоттутааҕы «Мичээр» СК салайааччытыгар тус бэйэм ааппыттан махталбын тиэрдэбин.

Владимир Татаринов, бырайыак ааптара.

Ааптар хаартыскаларга түһэриитэ.

Суотту, Уус Алдан.