Буоксаҕа улуус баһылыгын Куубага Тааттаҕа хаалла

Ытык Күөлгэ А.Е. Турнин аатынан Спорт дыбарыаһыгар Саха Өрөспүүбүлүкэтигэр буокса сайдыбыта 70 сылыгар уонна САССР, РСФСР үтүөлээх тириэньэрэ Арсений Арсеньевич Петров төрөөбүтэ 98 сылыгар  аналлаах «Таатта улууһун баһылыгын Куубагар» Таатта уонна Дьокуускай куорат сүүмэрдэммит хамаандаларын матчевай көрсүһүүтэ буолан ааста.

Уопсайа 9 ыйааһыҥҥа буолбут тыҥааһыннаах киирсиилэргэ Таатта  боксёрдара чаҕылхай бэлэмнэрин, модун эр санааларын уонна кыайыыга дьулуурдарын толору көрдөрдүлэр.

Уопсай түмүккэ 8:1 ахсаанынан Таатта хамаандата эрэллээхтик өрөгөйдөөтө.

«Биһиги уолаттарбытыгар уонна тириэнэрдэригэр чаҕылхай киирсиилэр, үрдүк маастарыстыба иһин барҕа махтал! Улуус баһылыга Айаал Семенович Бурцев Куубага төрөөбүт сирбитигэр-уоппутугар хаалбытынан истиҥник эҕэрдэлиибит!»- диэн Таатта дьаһалтата иһитиннэрдэ.