Бүгүн 9-с кылаастар математика эксээмэнин туттардылар

Бүгүн 9-с кылаас үөрэнээччилэрэ бастакы эксээмэннэрин – математиканы туттардылар. Бу булгуччулаах биридимиэт буолар. Үөрэх хаачыстыбатын кэтээн көрөр кииҥҥэ иһитиннэрбиттэринэн, быйыл Саха сиригэр математиканы барыта 14 786 оҕо туттарар.

Үөрэх хаачыстыбатын кэтээн көрөр киин дириэктэрин солбуйааччы Таисия Иванова: “Өрөспүүбүлүкэҕэ судаарыстыбаннай эксээмэни тутар 313 пуун үлэлиир. Бары тэрилинэн хааччыллан тураллар. Математика эксээмэнин барыта 14 786 оҕо туттар, итинтэн 13 454 оҕо – сүрүн судаарыстыбаннай эксээмэн, 1 332 үөрэнээччи – түмүктүүр судаарыстыбаннай эксээмэн көрүҥүнэн” – диэн этэр.

Тустаах биридимиэт эксээмэнин түмүгэ бу сыл бэс ыйын 17 күнүттэн хойутааһына суох биллиэҕэ. Кэлэр эксээмэн бэс ыйын 5 күнүгэр буолуоҕа.

Эксээмэн сүрүн түһүмэҕин наардала

Бэс ыйын 2 күнэ (оптуорунньук) — математика

Бэс ыйын 5 күнэ (бээтинсэ) – үөрэх бары биридимиэттэригэр (нуучча тылыттан уонна математикаттан ураты)

Бэс ыйын 6 күнэ (субуота) – омук тыллара, информатика

Бэс ыйын 9 күнэ (оптуорунньук) – нуучча тыла

Бэс ыйын 16 күнэ (оптуорунньук) – үөрэх бары биридимиэттэригэр (нуучча тылыттан, математикаттан ураты)

Бэс ыйын 19 күнэ (бээтинсэ) — үөрэх бары биридимиэттэригэр (нуучча тылыттан, математикаттан ураты)

Бэс ыйын 29 күнэ (бэнидиэнньик) – математикаҕа эрэсиэрбэ күнэ

От ыйын 2 күнэ (чэппиэр) – нуучча тылыгар эрэсиэрбэ күнэ

От ыйын 3 күнэ (бээтинсэ) – үөрэх бары биридимиэттэригэр эрэсиэрбэ күнэ (нуучча тылыттан, математикаттан ураты)

От ыйын 6 күнэ (бэнидиэнньик) – үөрэх бары биридимиэттэригэр эрэсиэрбэ күнэ (нуучча тылыттан, математикаттан ураты).