Бүгүн буурҕа түһэр, -30°С кыраадыска диэри тымныйар

Саха сирин үгүс улуустарыгар сөҥүүтэ суох күн-дьыл турара күүтүллэр. Хоту, Арктика кытылыгар уонна соҕуруу диэкинэн кыралаан хаар, оттон Халымаҕа сорох сирдэринэн орто хаар түһэрэ сабаҕаланар.

Тыал орто күүстээх буолуоҕа, сорох сирдэринэн сөкүүндэҕэ 9–14 миэтэрэҕэ диэри күүһүрүөҕэ. Арктика улуустарыгар тыал 19–24 м/с диэри, оттон байҕал кытылыгар 25–29 м/с тиийиэҕэ, буурҕа түһүөҕэ.

Түүнүн салгын температурата киин улуустарга -5…-10°, халлаан халыннаҕына -10…-15°, хотугулуу-арҕаа -15…-20°, оттон хотугулуу-илин хайалаах сирдэринэн -25…-30° тымныы буолуоҕа.

Күнүһүн киин улуустарга 0…-5°, соҕуруулуу-арҕаа 0…+5° сылаас, хотугулуу-илин -6…-11° кыраадыс буолуоҕа.

Дьокуускай куоракка түүнүн -6…-8°, күнүһүн 0…-2° кыраадыс буолуоҕа. Сөҥүүтэ суох, арҕааттан сөкүүндэҕэ 2–5 миэтэрэ диэри түргэннээх тыал үрүөҕэ.